АКТЕРКАТА Кеке Палмер го чека своето прво дете со момчето Дариус Џексон. Таа ја откри радосната вест за време на нејзиниот монолог на Saturday Night Live овој викенд.
„Се шират гласини. Луѓето пишуваат „Кеке чека бебе, Кеке е бремена“, а јас сакам да потврдам дека сум, бремена сум“, рекла актерката која го откопча сакото за да го покаже трудничкиот стомак.
„Морам да кажам, сепак, грдо е кога луѓето на интернет шират гласини за вас, но уште полошо е кога тие се во право. Мислам, многу се трудев да го задржам тоа во тајност бидејќи имам многу работи. Но, искрено, ова е најголемиот благослов и јас сум толку возбудена. Момци, ќе станам мајка“, додаде таа.
„Иако на некои луѓе им е малку чудно што ќе имам дете бидејќи бев дете актерка, само сакам да ви кажам дека имам 29 години, возрасна сум, имам секс, јас имам своја куќа. Тоа се работите што ги прават возрасните“, рече таа.
Гласините за нејзината бременост почнаа да се појавуваат минатиот месец кога актерката навидум се обиде да го сокрие своето бебешки стомак под фустанот на доделувањето на наградите CFDA.
Иако се обидува да го држи својот приватен живот подалеку од јавноста, Кеке ја потврди врската со Дариус во август 2021 година.