Независниот претседателски кандидат Роберт Ф. Кенеди денеска изјави дека ја суспендира својата кампања за претседателските избори во САД, но не ја завршува, бидејќи одлучи да го поддржи републиканецот Доналд Трамп.
-Не ја завршувам својата кампања, само ја суспендирам, не ја завршувам. Моето име ќе остане на гласачкото ливче во повеќето држави – рече тој на митинг во Аризона.
Кенеди влезе во трката во април 2023 година како предизвикувач на Џозеф Бајден за номинација на Демократската партија, но загуби и одлучи да се кандидира како независен.
Во ноември 2023 година, во анкетата на Ројтерс/Ипсос Кенеди имаше поддршка од 20 отсто од Американците во трката со Бајден и Трамп.
Во февруари 2024 година, за време на Супер Боул, тој објави изборно видео, во кое го споменува неговиот татко, американскиот сенатор Роберт Ф. Кенеди, и вујкото на поранешниот американски претседател Џон Ф. Кенеди.