Под наслов „Ќерката на Путин тајно во Виена“ и супернаслов: „Откриени: 4 патувања со вооружени стражари“, австрискиот дневен весник „Österreich“, како и други медиуми како „Heute“ и „Spiegel“, вчера напиша дека Катерина Тихонова, ќерката на Русин Претседателот Владимир Путин тајно ја посетила Австрија со руски авион, без да биде објавен нејзиниот лет.
Како е тоа воопшто возможно, прашуваат медиумите, кога од април годинава ќерката на Путин е на списокот на лица на кои им е забранет влез во Европската унија?
„Österreich“ пишува дека неодамна било откриено дека не биле пријавени патувања во ЕУ со вооружени стражари.
– Ќерката на Путин, Катерина Тихонова (36) во последните години повеќе од 20 пати патувала со авион во Германија. Причина: Таа е во приватна врска со Игор Зеленски, поранешен директор на Баварскиот државен балет, со кој има дете. Ниту еден од престојот не е пријавен до надлежните органи – истакнува австрискиот дневен весник.
Весникот додава дека од април на Тихонова и е забрането да патува во ЕУ поради конфликтот на Русија со Украина.
– Таа е на листата на санкции. Не е само нејзиниот татко, рускиот претседател, кој е тесно поврзан со Владата, туку и таа – додава весникот.
Истиот извор понатаму забележува дека австрискиот дневен весник Der Standard и германскиот Papertrail Media објавиле дека ќерката на Путин неколку пати била тајно во Австрија, што претходно не било познато.
Наводно, како што пишуваат споменатите медиуми, во периодот од 2015 до 2019 година таа и нејзиното обезбедување биле во авионот што слетал на виенскиот аеродром најмалку четири пати.
Оттаму додаваат дека таа неколку пати ноќевала и во луксузни хотели во познатиот австриски ски-центар Кицбил.
-Ако никој друг, тогаш луѓето задолжени за обезбедување од претседателската гарда, кои се секогаш вооружени, беа тие кои мораа да го пријават нејзиното доаѓање. Тоа не го направија во Германија. Но, ниту Министерството за надворешни работи, според она што го пишуваат медиумите, не знае ништо за тоа, додека МВР повикува на заштита на податоците – истакнува „Österreich“.
На медиумите, како што наведуваат, навистина не им е јасно дали навистина е можно толку едноставно да се лета низ туѓ воздушен простор и да се слетува каде што некој сака, без никој да знае или да забележи? И тоа со чувари вооружени до заби.
„Земено сè заедно звучи речиси неверојатно, речиси гротескно, кога сите од лично искуство знаеме како изгледаат и колку се строги, а понекогаш и досадни контролите на патниците на аеродромите“, пишуваат австриските медиуми.
„Бидејќи речиси сè ѕвони кај детекторите за метал, така што на контролата ги отстрануваме не само прстените, часовниците, нараквиците, чевлите итн. но одземаат и пинцети, нокти, се што може да стане опасно во воздухот“, додаваат тие.