170
Властите во Киев се надеваат дека оваа недела ќе стапи на сила договорот со посредство на ОН за олеснување на глобалниот недостиг на храна со враќање на извозот на жито од регионот на Црното Море.
Високи владини претставници изразија надеж на денешната прес-конференција дека првата пратка жито според договорот ќе го напушти пристаништето во Черноморск во среда, пренесува Ројтерс.
Советникот на украинскиот претседател за економски прашања вчера изјави дека Украина може да извезе 60 милиони тони жито во текот на осум до девет месеци, под услов нејзините пристаништа да не бидат блокирани.