Киев: Под истрага повеќе од 10.000 руски воени злосторства

Повеќе од 10.000 наводни воени злосторства извршени од руските сили во Украина во моментов се под истрага, соопшти денеска Генералното обвинителство на Украина.

Во соопштението на обвинителството се наведува дека се регистрирани вкупно 10.257 воени злосторства, а се додава дека од почетокот на конфликтот на 24 февруари загинале 223 деца, пренесува „Гардијан“.

Од почетокот на руската инвазија на Украина повредени се 633 деца.