Киев: Погодивме уште еден руски брод во Црното Море

Украинските власти соопштија дека нивните сили погодиле уште еден руски брод во Црното Море, пренесува АП.

Советникот на претседателот на Украина Олексиј Арестович доцна во четвртокот навечер изјави дека логистичкиот брод „Всеволод Бобров“ бил погоден кога се обидел да го достави противвоздушниот систем на Змијскиот остров.

Советникот на украинскиот претседател Олексеј Арестович наведува дека бродот е сериозно оштетен, но дека не верува дека потонал.