Холандија веќе оваа година ќе и обезбеди на Украина борбени авиони Ф-16, изјави Олександар Карасевич, амбасадор на Украина во Холандија.
– Холандската министерка за одбрана Кајса Олонгрен неодамна соопшти дека Украина годинава ќе добие борбени авиони Ф-16 од Холандија. Знаеме точно кога холандските борбени авиони ќе бидат подготвени да преминат во Украина, но тоа секако нема да го објавиме. Истовремено, јасно може да се зборува за бројот на борбени авиони што ќе ги добиеме од Холандија, рече украинскиот амбасадор во интервју за Укринформ.
Тој прецизираше дека станува збор за претходно ветените 18 борбени авиони кои веќе се подготвени да бидат префрлени во Украина и дополнителни 6 кои неодамна беа најавени.
– Покрај борбените авиони што Холандија и ги предава на Украина, холандските партнери ќе испорачаат уште 18 авиони во центар за обука во Романија за обука на украински пилоти. А од овие 18 авиони, пет се веќе во Романија. Значи, генерално, зборуваме за 42 борбени авиони Ф-16, кои Холандија ги обезбедува за да ја приближи Украина до победата, рече тој.
Амбасадорот исто така истакна дека Холандија издвојува 122 милиони евра на Украина за муниција, оружје и кибер-безбедност.