Состојки:
– 550 гр брашно
– 1 квасец
– 1 белка од јајце
– 200 мл млеко
– 100 мл масло
– 100 гр јогурт
– 1 лажичка сол
Фил:
– 200 гр сирење
– 2 лажици кисела павлака
– 1 јајце
– магдонос, по вкус
– 1 жолчка од јајце
– малку млеко
Подготовка:
Соединете го брашното со сите суви состојки, потоа додадете ги течните состојки и замесете тесто. Оставете го да отстои на топло место 30 минути.
Додека тестото отстојува, подгответе го филот и плех обложен со хартија за печење.
Здробете го сирењето што е можно поситно, а потоа додадете јајце, павлака и магдонос по вкус. Расукајте го тестото на многу малку брашно и поделете го на 15 до 20 помали парчиња.
Секое парче тесто развлечете го што потенко, па од едната страна ставете голема лажица фил, од другата засечете малку и завиткајте ги кифличките. Ставете ги на плех да отстојат 20 минути.
Секоја кифла премачкајте ја со мешавина од млеко и жолчка и веднаш посипете ги со семки, а потоа печете ги кифлите во загреана рерна на 200 степени 20 до 25 минути додека не поруменат.