Севернокорејскиот лидер Ким Јонг Ун го затворил целиот северен град Хјесан откако исчезнале 653 куршуми за време на неодамнешното повлекување на војската.
Полицајците наизменично ги претресуваат домовите во градот со околу 200.000 жители, изјавија два извора за Радио Слободна Азија, пишува Euroweeklynews.
„Градот ќе остане затворен додека не се пронајдат сите 653 куршуми“, изјави за RFA Korea анонимен жител на северната провинција Рајанганг, каде што се наоѓа градот Хјесан.
Муницијата за автоматска пушка исчезнала додека војниците на 7-от корпус на Корејската народна армија се повлекувале од областа околу градот, кој се наоѓа на границата со Кина.
Војниците беа стационирани таму во 2020 година поради затворањето на границата за време на пандемијата на Ковид-19.
Кога се случил инцидентот, војниците прво не пријавиле, туку самите се обиделе да ги пронајдат исчезнатите куршуми.
„Но, кога не успеале да ги најдат исчезнатите куршуми, ги известиле жителите и започнале ригорозна потрага“, изјавил анонимен извор.
Полицијата и армијата започнаа истрага, го затворија градот и претресуваат куќа по куќа.
Тамошниот закон пропишува казна за принудна работа повеќе од три години за лицата кои поседуваат или пренесуваат муниција или оружје неовластено.
Жителите се загрижени дека ако не се најде муниција, властите по случаен избор ќе казнат некој кој можеби е целосно невин, рече изворот.