Една од таинствените суперјахти на Ким Јонг Ун е забележана паркирана во близина на тајно одморалиште на брегот на Северна Кореја на сателитски снимки од Планет Лабс, американска јавна сателитска фирма за снимање на Земјата со седиште во Сан Франциско, пишува „Метро“.
Огромното пловило од 55 метри беше забележано на полуостровот Ходо, северно од Вонсан, помеѓу 3 и 5 август.
Се верува дека ова е прв пат суперјахтата, која има карактеристичен црвен покрив, да пристигне во одморалиштето, до кое може да се стигне само по море или по мали патишта далеку од поголемите градови.
Satellite images reveal Kim Jong Un’s luxury yacht at a secret beach resorthttps://t.co/VfrOYSShaC
— amornsrisang (@AAmornsrisang) August 12, 2022
Пловилото, наречено и „пловечки забавен парк“, содржи два тобогана, базен со олимписка големина и салон на неколку ката.
Инаку, странските медиуми пишуваат дека Ким е се поповлечен додека неговата земја се бори со пандемијата на Ковид-19. Затишјето од Пјонгјанг траеше до пред два дена кога Ким прогласи голема победа над пандемијата, а неговата сестра тврдеше дека Ким бил тешко болен и имал треска, но се оздравел.