Ким Кардашијан им се јавила на своите адвокати бидејќи се плаши дека нејзиното поранешно момче, Реј Џеј наскоро ќе објави уште една секс снимка – и сака да се погрижи тоа да не се повтори.
41-годишната ријалити ѕвезда глуми во видео со своето поранешно момче, кое се појави на интернет кога таа стана позната пред речиси 20 години. А според изворот, Ким е загрижена што раперот Реј Џеј планира да заработи милиони споделувајќи други интимни снимки со јавноста.
Мајката на четири деца веќе потрошила стотици илјади долари ангажирајќи тим од адвокати кои ќе се обидат да го спречат.
Поранешната сопруга на раперот Канје Вест, со кој се раздели минатата година, е решена да го заштити своето семејство „по секоја цена“.
Изворот за „The Sun“ вели: „Таа знае дека Реј Џеј направил други снимки од нив заедно. Некои од снимките ќе бидат многу интимни. Таа им кажа на адвокатите: „Само преку моето мртво тело ова ќе се повтори“.
Првата снимка на Ким се закануваше да и ја уништи кариерата во шоу-бизнисот уште пред да започне. Но, на крајот, таа и помогна да се прослави.
Ким и Реј Џеј имале 22 години кога биле направени кадрите.
Успешната бизнисменка беше релативно непозната кога видеото беше објавено во март 2007 година под наслов „Kim Kardashian: Superstar“. Во тоа време, Ким беше стилистка на Парис Хилтон во „The Simple Life“, но на многумина им беше позната како ќерка на Роберт Кардашијан.
Таа поднела тужба против „Vivid“, обвинувајќи ја компанијата дека ја користела снимката без нејзина дозвола. Меѓутоа, подоцна ѕвездата се откажа од тужбата.
Во меѓувреме, Ким го брани своето семејство откако раскина со Канје. Таа сега е во врска со комичарот Пит Дејвидсон.