Ким се запозна со можностите на руските стратешки авиони и системот „Кинжал“

На севернокорејскиот лидер Ким Џонг-ун денеска му беа покажани три стратешки авиони на воздухопловните сили, како и хиперсоничниот ракетен систем Кинжал на ракетниот носач МиГ-31И, на аеродромот Кневичи во приморскиот регион на рускиот Далечен Исток, пренесе РИА Новости.

Командантот на авијацијата со долг дострел на руските воздушни сили, генерал Сергеј Кобилаш, го запозна Ким со летните и техничките можности на бомбардерите Ту-160, Ту-95МС и Ту-22М3, како и со нивното оружје и борбени способности.

Овие авиони ја сочинуваат воздушната компонента на стратешките нуклеарни сили на Руската Федерација.