Кинескиот државен советник и министер за надворешни работи Ванг Ји беше претседател на состанокот на Советот за безбедност на Обединетите нации (СБ) за ситуацијата во Израел и Палестина, посочувајќи дека меѓународната заедница мора итно да дејствува за да се спречи влошување на ситуацијата, соопшти кинеската медиумска група (ЦМГ).
„Меѓународната поддршка е обврска. „Советот за безбедност мора да преземе ефикасни мерки во врска со палестинско-израелскиот конфликт, да ја повтори својата силна поддршка за решение за две држави и да ја смири ситуацијата“, рече Ванг.
„Ги повикуваме Соединетите држави да преземат соодветна одговорност, да заземат фер став и да го поддржат Советот за безбедност во извршувањето на својата должност за намалување на тензиите, обнова на довербата и решавање на ситуацијата“, рече тој, додавајќи дека „решение за две држави“ е краен излез од ситуацијата.
Тој рече дека Кина го поддржува обновувањето на мировните преговори меѓу Палестина и Израел што е можно поскоро за тоа решение и „воспоставување на целосно суверена и независна палестинска држава заснована на границите од 1967 година, со источен Ерусалим како главен град“.