Кина: Обидите за воспоставување независност на Тајван се осудени на неуспех

Сите обиди за воспоставување независност на кинескиот регион Тајван се осудени на неуспех, соопшти денеска кинеското Министерство за надворешни работи откако Лаи Чинг-те ја презеде функцијата нов тајвански претседател.

„Независноста на Тајван е ќорсокак“, соопшти кинеското министерство.

Кинеската канцеларија за прашања на Тајван денеска соопшти дека Лаи испратил „опасни“ сигнали за време на инаугурацијата со цел да се поткопа мирот и стабилноста, пренесува „Ројтерс“.