Можеби на многумина им изгледа невозможно, па дури и неразбирливо, но Кина планира да изгради револуционерна вселенска станица, не во орбитата, туку во морето. Овој проект би можел да донесе нови сознанија за длабочините на морето и да овозможи напредок во истражувањето на необични форми на живот и природни ресурси.
Имено, како што пренесува порталот Wion News, Кина ќе изгради вселенска станица која ќе се наоѓа длабоко под површината на морето, а кинеската влада ги одобрила плановите за овој амбициозен проект во кој ќе биде изградена вселенска станица на околу 1.980 километри под површината на морето.
Се очекува станицата да стане оперативна до 2030 година и ќе биде една од најкомплексните технолошки инсталации некогаш изградени од луѓе, пренесува South China Morning Post.
На речиси 2.000 километри под површината на морето, станицата ќе може да прими шест истражувачи во период од еден месец.
Ова ќе им овозможи да спроведуваат експерименти и да истражуваат океани и скриени региони кои сè уште се недостапни. Истражувачите кои поминуваат време на станицата ќе ги фокусираат своите напори на една одредена област – студените извори.
Тоа се места на морското дно од каде течат течности богати со јаглеводороди или метан. Овие ладни извори создаваат гасовита средина која е првенствено одговорна за опстанокот на видовите кои живеат длабоко под површината на морето.
Истражувањето во овие региони, исто така, може да помогне да се најдат решенија за обновливите извори на енергија. Животните форми кои постојат околу студените извори, исто така, можат да помогнат да се спречи опасно излевање на нафта.
Научниците сакаат да разберат како овие микроорганизми можат да помогнат во разградувањето на излевањето на нафтата, а со тоа да се спречи штетата на другите видови на океанот.
Кина спроведува четиристран пристап во оваа област, комбинирајќи беспилотни подморници, бродови и места за набљудување на морското дно за да постигне подобри резултати, според веб-страницата Oceanographic.