Кина денес соопшти дека Ковид-19 можеби потекнува од Соединетите Американски Држави.
Кина го објави ова во извештај, подготвен како одговор на обвинувањата од администрацијата на американскиот претседател Доналд Трамп дека вирусот протекол од лабораторија во Кина и во кој Пекинг ги обвини САД за политизирање на прашањето за потеклото на Ковид-19.
Како пример, Кина наведе тужба во Мисури што резултираше со пресуда од 24 милијарди долари против Кина за складирање заштитна медицинска опрема и прикривање на епидемијата.
Додаде дека Кина навремено споделила релевантни информации со СЗО и меѓународната заедница, нагласувајќи дека заедничката студија на СЗО и Кина заклучила дека протекувањето од лабораторија е „исклучително малку веројатно“.
„Соединетите Американски Држави не треба да продолжат да се прават глуви и да одговорат на легитимната загриженост на меѓународната заедница“, се вели во извештајот.
Во кинескиот извештај се вели дека „значајните докази“ сугерираат дека Ковид-19 можеби се појавил во Соединетите Држави порано отколку што е официјално наведено и пред да започне епидемијата во Кина, објави Ројтерс.
ЦИА во јануари изјави дека е поверојатно пандемијата да потекнува од лабораторија во Кина отколку од природата, откако со години тврдеше дека не може да дојде до заклучок за ова прашање, објави Танјуг.
Агенцијата соопшти дека има „мала доверба“ во својата нова проценка и забележа дека и лабораторијата и природното потекло остануваат веројатни.
Службеник од Националната здравствена комисија на Кина изјави дека следниот чекор во работата за следење на потеклото треба да се фокусира на Соединетите Држави.
На 18 април, Белата куќа лансираше веб-страница за Ковид-19, која тврди дека коронавирусот потекнува од протекување во лабораторија во Кина, додека го критикуваше поранешниот претседател Џо Бајден, поранешниот висок американски здравствен службеник Ентони Фаучи и Светската здравствена организација.