Кинеската вакцина „КоронаВак“ доби дозвола за масовна употреба

Втората вакцина за масовна имунизација против новиот вирус на корона е официјално одобрена во Кина и таа е производ на компанијата Синовак, беше објавено денес од државното регулаторно тело за медицински производи.

Според Ројтерс, вакцината е одобрена по двомесечни клинички испитувања, а резултатите од некои тестови во доцна фаза сè уште не се објавени.

– Индонезија, Турција, Бразил, Чиле, Колумбија, Уругвај и Лаос издадоа итни одобренија за употреба на вакцината на Синовак „КоронаВак“ – објави компанијата.

Првата вакцина во Кина доби дозвола за масовна употреба во декември минатата година, која беше произведена од Пекинг институтот за биолошки производи и кинеската држава Синофарм груп.