Кинескиот производител на електрични возила BYD објави двоцифрен скок на приходите во третиот квартал во средата, престигнувајќи го американскиот ривал Tesla за прв пат.
Во периодот јули-септември, приходите скокнаа за 24 отсто од истиот квартал минатата година на 201,1 милијарди јуани (28,24 милијарди долари), покажа берзанскиот извештај.
Со ова кинескиот гигант за прв пат ја престигна американска Tesla, чиј приход во периодот од јули до септември изнесува 25,2 милијарди долари.
Нето добивката на BYD се зголеми на годишно ниво за 11,2 отсто на 11,6 милијарди јуани (1,63 милијарди долари). Во првите девет месеци тој беше за 18,1 отсто поголем од минатата година и изнесуваше 25,2 милијарди јуани.
Tesla сè уште го држи водството во глобалната продажба во третиот квартал, со речиси 463.000 продадени електрични возила, наспроти нешто повеќе од 443.000 на BYD.
И кинескиот гигант и Tesla имаа корист од зголемените кинески стимулации за купување на нови модели на „зелени“ автомобили. Во такви услови, продажбата на автомобили во Кина порасна за прв пат по шест месеци во септември, покажуваат податоците од индустријата.
BYD го предводеше растот благодарение на значителните попусти на најпопуларните модели. Добрите резултати во третиот квартал првенствено го одразуваат скокот на продажбата на plug-in хибриди, зголемена за 75,6 отсто во споредба со истиот период минатата година, со продадени 685.830 возила, благодарение на новата технологија за заштеда на гориво.
Растот на продажбата на целосно електрични автомобили забави на 2,7 отсто, со намален удел на кинескиот пазар во споредба со конкурентите, според пресметките на Ројтерс.