Кинескиот гигант за производство на батерии за електрични автомобили, што е прва батерија за „Тесла“ и „Фолксваген“, разви нова моќна батерија која трае дури два милиони километри – што би можело да претставува вистински пресврт во автомобилската индустрија.
Современа технологија Amperex Technology Co (CATL) е подготвена да произведе батерија која има животен век од 16 години и два милиони километри, рече Зенг Јукун, претседател на извршниот одбор на кинеската компанија.
Тековните батерии доаѓаат со гаранции кои опфаќаат околу 240.000 километри и осум години, пишува Блумберг.
– Ако некој направи нарачка за нас сега, ние сме подготвени за производство – истакна Зенг без да открие дали се склучени договори.
Зенг, чија компанија е најголем производител на батерии за автомобили, изјави дека новата енергетска единица чини околу 10 проценти повеќе од батериите што во моментот се во возилата.
Продолжувањето на животниот век е еден од клучните достигнувања потребни за иднината на електричните автомобили, затоа што батеријата може да се користи и во друго возило. Тоа значително ќе ги намали трошоците за поседување електрично возило, што треба да има позитивно влијание врз автомобилската индустрија, пренесува РТС.
Минатиот месец Ројтерс објави дека Тесла работи со CATL за производство на батерија од два милиони километри и најпрво ќе ја инсталира во возилата „Модел 3“ произведени во Гигафабриката во Шангај.