Xpeng и Volkswagen заеднички ќе развијат нова E&E (Electrical and Electronic) платформа, на која ќе бидат базирани сите идни електрични автомобили произведени од германската компанија во Кина.
Договорот е веќе потпишан и се формирани два проектни штаба во градовите Гуангжу и Хефеи. Ова ќе им овозможи на инженерите на Volkswagen и Xpeng да работат заедно на нови системи. Првото електрично возило на платформата E&E ќе започне со производство за само 24 месеци, објави Klix.
Пред 12 месеци VW купи 4,99 отсто од акциите на Xpeng во трансакција вредна 700 милиони долари. Инвестицијата ќе го прошири присуството на VW на кинескиот пазар на електрични автомобили и ќе резултира со развој на најмалку два електрични модели на германската марка.
Во април беше најавено дека новата платформа ќе ги намали трошоците, делумно поради 30 проценти помала потреба за ECU единици. Исто така, напредните функции за автоматско возење ќе се имплементираат побрзо, а поддршката ќе се обезбедува со надградби „преку воздух“.
Два модели од средна класа ќе бидат првите кои ќе ги добијат новите електрични системи, а еден од нив ќе биде SUV. Кинеската главна платформа (CMP) се развива со Volkswagen China Technology Company, SAIC Volkswagen и FAW-Volkswagen и ќе се користи за подостапни модели вклучувајќи најмалку четири помали модели на VW.