Кина постави ниска цел од околу 5 проценти за годинешниот економски раст, во извештајот на кинеската влада на почетокот на годишната сесија на кинескиот парламент. Кинескиот БДП порасна за само три проценти минатата година, што е еден од најслабите резултати во последните децении, намален под притисок на мерките воведени како резултат на Ковид-19, кризата со недвижнини, задушувањето на приватното претприемништво и намалената побарувачка за кинески извоз.
Во извештајот на почетокот на сесијата, кој ќе трае до 13 март, премиерот Ли Кечијанг ја истакна потребата за економска стабилност и зголемување на потрошувачката, поставувајќи околу 12 милиони работни места во градовите оваа година, што е зголемување во однос на целта од минатата година од 11 милиони.
„Приоритетот мора да биде закрепнување и зголемување на потрошувачката“, рече тој во говорот на почетокот на сесијата, кој траеше нешто помалку од еден час, додавајќи дека „жителите на градовите и селата мора да се зајакнат преку повеќе канали“.
Годинава целта од околу 5 проценти е пониска од минатогодишната цел што беше околу 5,5 проценти.
Зголемување на буџетот за армијата за 7,2 проценти
Во оваа година, Кина планира да го зголеми буџетот за Армијата за 7,2 проценти, што е нешто повеќе од минатата година, додека премиерот бара да се зајакне борбената подготвеност на кинеските вооружени сили. Пекинг, како што е најавено, има намера да потроши 225 милијарди американски долари за одбрана, а како што беше случај во последниве години, не се дадени детали, туку само вкупната сума и стапката на пораст.
Зборувајќи за кинеските вооружени сили, тој рече дека треба да се посветат повеќе на вежби во услови на борба и да се зголеми борбената подготвеност. „Нашите вооружени сили, фокусирани на обележување на стогодишнината на Националната ослободителна армија во 2027 година, треба да се подготват за воени операции и да ја зајакнат борбената подготвеност“, рече тој.
Кина има најголема армија во светот и нејзиниот развој и стратешките намери на Пекинг се причина за загриженост во регионот и во Вашингтон. Пекинг редовно тврди дека Армијата и одбраната распределуваат релативно низок процент на БДП и дека критичарите сакаат да ја прогласат Кина за закана за светскиот мир. Вооружените сили ќе треба да развијат нови воени стратешки упатства, да посветат поголема енергија на вежби во услови на борба и да ја интензивираат работата на Армијата во сите правци и домени, додаде Кечијанг.
„Мирно обединување“ со Тајван
Зборувајќи за Тајван, кинескиот премиер рече дека Кина ќе мора да промовира мирен развој на односите со Тајван и да го предложи процесот на „мирно овединување“, но и да преземе одлучувачки чекори за да се спротивстави на независноста на Тајван.
Кина, која тврди дека Тајван е нејзина територија, во последните три години ја засили воената активност во близина на островот, одговарајќи на, како што го нарекува „тајниот договор“ помеѓу Тајпеј и Вашингтон, главниот меѓународен снабдувач на оружје за Тајван. Кечијанг рече дека Пекинг продолжува да опстојува според принципот „Една Кина“, според кој Тајван е дел од Кина.
Владата треба „да преземе одлучувачки чекори и да се спротивстави на тајванската независност и да промовира обединување“, рече тој на почетокот на сесијата, на која учествуваа 2948 делегати.
Тајванската влада остро се спротивставува на кинеските претензии и тврди дека само жителите на островот, од кои околу 23 милиони, можат да одлучат за нивната иднина.
Тајван: Кина ќе мора да ја почитува посветеноста кон демократијата
Кина ќе мора да ја почитува посветеноста на тајванскиот народ на концептот на суверенитет, демократија и слобода, соопшти тајванската влада во неделата.
„Кина ќе мора односите со Тајван да ги средува прагматично, на рационален и еднаков начин со взаемно почитување“, соопшти Тајванскиот совет за односи со Кина.