Брендот Zeekr – кој беше основан во март 2021 година како врвен бренд за електрична мобилност од страна на Geely Group – го објави најновиот пакет поволности што ќе им биде достапен на клиентите на неговите модели 001 и X.
Заедно со стандардната гаранција од 10 години (досега нудеа 5 плус уште 5 со доплата) или 200.000 километри, на новите корисници им се нудат 10 години бесплатно сервисирање и 10 години целосна поврзаност (така што сите можни претплати се бесплатни). Инаку, цената на Model X е намалена на 42.490 евра за основната верзија, пишува Index.
Со новиот поттик, велат од компанијата, сакаат да им овозможат на европските клиенти безбедност во квалитетот на производите на Zeekr и спокојство кога станува збор за поседување електрично возило.
„Овој силен и уникатен предлог за вредност ќе ја забрза транзицијата кон одржлива мобилност, ќе ги намали вкупните трошоци за сопственост и ќе ја подобри резидуалната вредност на автомобилите Zeekr нудејќи EV искуство кое е иновативно, практично и исплатливо“, тврди компанијата и нагласува дека понудата важи за сите приватни и деловни корисници кои плаќаат готовина или користат Zeekr Finance под услов регистрацијата и доставата да се изврши до 31 мај оваа година.
Инаку, Zeekr е достапен во Европа само во Шведска и Холандија, а поголема експанзија се очекува во текот на оваа година.