Кличко: Враќањето во Киев се уште не е безбедно

Градоначалникот на Киев, Виталиј Кличко уште еднаш апелираше до жителите кои побегнаа на побезбедни локации да не се враќаат во главниот град на Украина.

„Не можеме да гарантираме безбедност за сите со 100% сигурност“, изјави Кличко за Би-Би-Си.

Градот „полека се враќа во живот“ по повлекувањето на руската армија, се отвораат кафулиња и барови, но Киев и понатаму е „мета на руските агресори“.