Климатските промени доведоа до зголемување на природната сила на ураганите, што според досега усвоените стандарди, најмоќните урагани спаѓаат во категоријата пет со брзина на ветер од 252 до 309 километри на час, но во последните години брзината на ветрот на ваквите катастрофи се зголеми, во некои случаи, значително над 300 km/h, пишува списанието Environmental Science.
Научниците од Националната лабораторија Лоренц од Универзитетот Беркли веруваат дека е време да се воведат нови разорни урагани од шеста категорија на скалата на силата.
Климатологот Мајкл Венер, член на истражувачкиот тим, вели дека поради климатските промени, тешките временски настани стануваат уште посилни, бидејќи постојаното затоплување на океаните и зголемената влага во атмосферата прават ураганите да се развиваат побрзо и да имаат поголема разорна моќ на ветерот.
Беше забележано и дека ураганите, во споредба со претходната деценија, се развиваат побрзо и често им треба помалку од еден ден за да се трансформираат од категорија 1 (до 153 км/ч) во категорија 2 (до 177 км/ч) или категорија 3 (до 208 км/ч).
Една од катастрофите што дефинитивно спаѓа во категоријата шест е ураганот Хаијан, кој беснееше на Филипините во 2014 година и предизвика смрт на 6.000 луѓе, како и голема материјална штета. Ветровите на Хаијан, нагласува Венер, дувале со брзина од 314 километри на час.
Во последниве години, бури, кои би можеле да се категоризираат како потенцијална категорија шест, се забележани во западниот Пацифик, како и на Атлантикот, вели Венер и додава дека досега не е забележана таква сила во Мексиканскиот залив, но истражувањата укажуваат на зголемена можност.
Оваа област на Мексико доживува просечно помеѓу 20 и 24 урагани секоја година, при што некои од нив ги менуваат патеките и не ги погодуваат крајбрежните области.
Некои експерти, сепак, сметаат дека додавањето на нова категорија на овие насилни катастрофи нема логика, бидејќи ветровите во сегашната категорија пет (до 309 км/ч) се исто толку деструктивни и за човечкиот живот и за природната средина како ветровите со брзина од 350 километри на час или побрзо.