Тренерот на Ливерпул, Јирген Клоп на прес-конференцијата го коментираше останувањето на Чаби Алонсо во Баер Леверкузен.
Клоп веќе најави дека на крајот на сезоната ќе го напушти Ливерпул, чија клупа ќе остане празна. Се шпекулираше дека на клупата ќе го наследи поранешниот играч на црвените, Чаби Алонсо, но тој денеска потврди дека останува во Леверкузен.
Клоп на конференцијата беше запрашан за да ја коментира одлука на Алонсо, што автоматски значи дека тој нема да стане менаџер на Ливерпул ова лето.
„Тој прави неверојатна работа во Баер. Имаат одличен тим, кој најверојатно ќе успеат да го задржат заедно следната сезона“, изјави германскиот стручњак, а потоа продолжи:
„Разбирам зошто реши да остане. За други работи, искрено, не знам што да кажам“, изјави Клоп.