Онлајн изданието BuzzFeed го прекина договорот за реклама на кампањата “Трамп за претседател” на сајт, поврзана со одлуката со позицијата да не се обезбедува рекламен простор за цигари, соопштува Bloomberg.
“Дефинитивно не ни се допаѓа да отфрламе приходи кои финансираат важна активност во целата компанија”, вели извршниот директор Џон Пере во порака до вработените во понеделникот. “Во некои случаи, сепак треба да се направат бизнис исклучоци: не пуштајте реклами на цигари, бидејќи се опасни за нашето здравје, и не прифаќаме реклами за Трамп од иста причина”.
Во април Националната комисија на републиканската партија (НКРП) потпиша договор со популарниот онлајн медиум за политички реклами за “значителна сума” за време на есенскиот изборен круг, вели Пере.
Оттогаш Доналд Трамп влезе во номинација за претседател на републиканците, а “тонот и суштината на неговата кампања се единствени во историјата на современата американска политика”, додава Пере, цитирајќи ја поддршката на кандидатот за забрана на муслимани да патуваат во САД и презирачките коментари кон жените и имигрантите.
Еврогрупата и даде 24-часовен рок на Грција да ги финализира мерките барани од кредиторите
Пере додава дека BuzzFeed сеуште прифаќа реклами од други републикански кандидати и од демократите и дека одлуката да се прекине договорот “нема да влијае на тековната покриеност на кампањата”.
Според извор на POLITICO главната причина за одлуката биле вработените на весникот, бидејќи BuzzFeed не може да прифати дека негови “вработени ќе прават реклами или ќе работат во компанијата и ќе треба да промовираат нешта кои ја ограничуваат нивната слобода и го прават нивните животи -потешки “.
Според POLITICO договорот бил вреден 1,3 милиони долари. Главниот стратег и портпарол на НКРП Шон Спајсер вели во соопштението за CNN дека комисијата “никогаш не планирала” да користи рекламен простор резервиран во BuzzFeed.
“Имаме резервиран рекламен простор на многу платформи, но не планираме да го користите BuzzFeed”, вели Спајсер. “Иронично е дека тие не го исклучуваат земањето пари од кандидат, против кој во моментов се води истрага на ФБИ”.
Други сајтови, исто така се против Трамп. The Huffington Post додава белешка кон секоја своја политичка статија за републиканскиот кандидат, нарекувајќи го “сериски лажго, побеснет ксенофоб, расист, женомразец и birther (сомневње во американското уверение за раѓање на претседателот Барак Обама .)”.
На прашањето дали медиумот ќе ја следи одлуката на BuzzFeed, портпарол на The Huffington Post вели за POLITICO: “Нашиот став за Трамп е јасен од самиот почеток и нема да покажуваме какви и да е реклами ‘Трамп за претседател'”.