Застава 101 беше и остана еден од најпрепознатливите автомобили во својата ера. Сите го сакаа и уживаа да го возат, некои гo имаат и денес, а многумина се прашуваат која би била неговата цена денес. Zastava 101 е модел развиен врз основа на Fiat 128, а светлото на денот го виде во 1971 година. Со својот иновативен концепт со пет врати, поточно комби-седан, брзо наиде на голем одзив кај домашните возачи.
Една од предностите на возилото беше цената. Според достапните извори, објавени од форумот „Застава“, цената на нов 101 објавен во 1972 година во списанието АВТО била 40.040 динари или околу 2.084 американски долари во тоа време. Преведено во денешните вредности, земајќи ја предвид инфлацијата, пресметале дека цената на тој автомобил би била околу 15.500 американски долари или околу 15.000 евра.
Можеби уште подобар показател е куповната моќ на граѓаните преку просечните плати. Во доцните 1980-ти, 101 беше еден од поевтините модели на пазарот, кој чинеше 38 просечни плати.
Достапен во две варијанти на мотори со 1.1 и 1.3 бензински мотори, моќни 55 и 65 КС соодветно, и во две основни верзии на каросеријата (со три и пет врати), автомобилот постигна респектабилни бројки. Иновативниот компактен концепт пристигна на пазарот четири години пред Golf I. Имаше бројни предности, но времето буквално го „прегази“. Кога неговото производство престана во речиси непроменета верзија, Golf веќе беше во шестата генерација, пренесе Index.
Автомобилот Застава 101 се произведуваше цели 37 години, до 21 ноември 2008 година. Произведени се 1.045.458 единици, од кои 224.851 завршиле за извоз.