Колку просечни плати биле потребни за да се купи автомобил во поранешна Југославија? Неодамна излезени податоци укажуваат на интересни аспекти од тогашната економска состојба. Табелата е направена по 1987 година, во периодот кога Југославија страдаше од висока инфлација, а високите царински стапки за увоз на автомобили ги направија странските модели значително поскапи од домашните.
Еден од најприфатливите автомобили беше Zastava 126pGL, кој чинеше еквивалент на 19 просечни плати. Овој популарен домашен модел беше релативно достапен за поголемиот дел од населението. Слично на тоа, Југо 45 Корал, уште еден домашен автомобил, чинеше еквивалент на 30 просечни плати.
Сепак, странските автомобили беа вистинска реткост и луксуз. Škoda 120L се издвојува како еден од најевтините странски модели достапни на тогашниот југословенски пазар.
Од друга страна, најскапи беа луксузните странски автомобили како BMW 750 iL и Mercedes-Benz 560 SEC, кои бараа огромни суми еднакви на стотици просечни плати.
Овие податоци ја одразуваат економската ситуација во тоа време, во која високите цени на автомобилите и ограничениот пристап до странските модели беа секојдневна реалност.
Инфлацијата и ограничувањата на увозот придонесоа домашните производители на автомобили да бидат доминантни на пазарот.