Азискиот гигант BYD е на пат да доминира на неколку континенти. Волуменот е големата цел на BYD во оваа нова фаза. Како што објави Late Finance, BYD собира нето добивка од 9.000 јуани за секој продаден автомобил. Тоа е околу 1.245 долари добивка по трансакција.
Тоа е помалку од просекот на повеќето други брендови, но тоа не е проблем. BYD е фокусиран на обемот, што е слично на повеќето кинески компании во другите деловни сегменти. Целта е да се освои пазарот, да се сруши конкуренцијата и потоа (најверојатно) да се зголемат цените, пишува „ХАК“.
Во Европа веќе се преземаат цврсти чекори кон тоа. Минатата година BYD најави изградба на својата прва фабрика на Стариот континент, во Унгарија. Неодамна најавија пристигнување на неколку марки и модели на европскиот пазар.
BYD повеќе нема да се ограничува на 100% електрични автомобили, туку ќе нуди и plug-in хибридни возила. Ним ќе им се придружат и други брендови на конгломератот, како YangWang, кој ќе го нападне премиум сегментот и Denza, кој е во средниот ешалон.