Колку заработува Мараја Кери секоја година од нејзиниот најголем празничен хит?

Малку работи ја најавуваат сезоната на празници повеќе од хитот на Мараја Кери All I Want for Christmas Is You.

Песната All I Want for Christmas Is You стана синоним за божиќните празници и тешко е да се оди некаде во овој период од годината без да се слушне.

За Мараја Кери оваа песна е подарок кој не престанува да „заработува“. Билборд проценува дека пејачката минатата година заработила 1,86 милиони долари од песната, додека според студијата на The Economist од 2016 година, Кери заработува во просек 2,5 милиони долари хонорари секоја година.

Песната, објавена во 1994 година, би можела да надмине 100 милиони долари во вкупна заработка во 2023 година, според извештајот на „Асошиејтед прес“.