Д-р Предраг Кон, епидемиолог и член на српскиот Кризен штаб, оцени дека ставот на јавното здравство насекаде во светот во врска со Ковид-пропусниците е сличен, дека тие се неопходни, но дека се неуставни во Србија.
„Имаме проблем што не може да се спроведе, бидејќи според некои проценки е неуставен. Не можам да зборувам за тоа, тој став го изразуваме буквално на секоја седница на Кризниот штаб повторно. И сега е така. Нема дискусија ако нешто е противуставно, а од друга страна, времето минува “, рече Кон.
Тој повтори дека екстремната поларизација на населението не е во ничија корист.
„Не знам дали идејата за Ковид-пропусниците ќе биде отфрлена. Има адвокати, тоа не е моја професија, едноставно не знам“, повтори Кон, додавајќи дека не знае каде е правниот излез.
Тој, исто така, за ТВ Курир нагласи дека законите биле изменети во претходниот период, за да може да се спроведат и контролираат некои мерки.
„Ситуацијата е лизгава, тврдам дека ова е најдоброто решение во моментов, но и затворањето на се е решение“, заклучи членот на Кризниот штаб.