Нов модел на популарниот е-читач Kindle пристигнува со голем пресврт. Amazon го објави својот прв читач на е-книги со екран во боја.
Официјално, неговото име е Kindle Colorsoft Signature Edition. Како што вели Amazon, тој е дизајниран за „богата палета на бои“. Нуди корици на книги, слики и стрипови во боја, но исто така дава можност да се забележуваат и подвлекуваат пасуси со разни обоени маркери, наместо, како досега, само сиви.
Останува опцијата да се користи само во црно-бело, а Amazon ветува висока резолуција, без разлика дали гледате слика во боја или црно-бела страница. Исто така, зголемувањето на сликите не треба да влијае тие да изгледаат „пикселизирано“.
Моделот изгледа како Paperwhite Signature Edition, само со различен екран и ветува 25% побрзо вртење страница од неговиот претходник. Сепак, ставањето екран во боја на читачот може да го забави и да го намали животниот век на батеријата.
Затоа Amazon направи промени во хардверот и софтверот, како на пример користење на нитридни LED диоди кои работат со алгоритмот на компанијата за подобрување на бојата и осветленоста.
Чини 280 долари во преднарачка.