Полициското одделение при МВР од Попова Шапка информира дека вчера околу 11.00 часот било пријавено дека при изведување градежни работи во тетовското село Шипковица, во центарот на селото на место викано „Порој”, при ископ со работна машина биле пронајдени две вреќи со гранати.
-По овластување на Јавен обвинител увид на местото извршила екипа од СВР Тетово и било констатирано дека станува збор за три ракетни гранати, една кумулативна мина од РПГ-рачен фрлач, една тромблонска мина со полнење и седум гранати со полнење од минофрлач од 60 мм, делумно корозирани, соопшти полицијата.
Од стручно лице од Дирекцијата за заштита и спасување Скопје експлозивните средства биле безбедно подигнати и било констатирано дека се работи за експлозивни средства од кинеско и југословенско производство.