Епидемијата на коронавирус во Црна Гора сериозно се закани дека ќе ги заклучи вратите на многу училишта и градинки по алармантните податоци за бројот на заразени ученици и наставници, пренесе „Политика.рс“.
Според податоците на образовните институции, 103 наставници во основните училишта се заразени, а 70 наставници во средните училишта, додека 53 деца и 63 воспитувачи се заразени во градинките.
Во самоизолација се 2.498 ученици и деца од градинките, што е бројка што особено ги загрижи родителите, кои очекуваат дека Министерството за здравство ќе ги „стави“ образовните институции и учениците под посебно внимание.
Институтот за јавно здравје во неколку наврати изјави дека, и покрај зголемувањето на бројот на заразени деца, тие не размислуваат да се префрлат на настава преку Интернет во училиштата.