Босна и Херцеговина ќе се ослободи од странците, кои понекогаш ги гледа како непоканети гости, кога ќе биде на својот европски пат, изјави европската комесарка за проширување Марта Кос, додавајќи дека нејзина задача е да ѝ овозможи на БиХ сама да донесува одлуки за сè без учество на странци.
Кос вели дека не тврди дека ја разбира ситуацијата во БиХ подобро од оние што живеат таму, но додава дека напредокот ќе биде можен кога се работи во Брисел, а не во Дејтон.
„Не тврдам дека разбирам сè и не можам да ја разберам ситуацијата подобро од вас. Но, знам дека сè уште сте во системот што беше создаден во Дејтон. Секогаш велам дека ќе можеме да постигнеме напредок кога ќе можеме да работиме на Брисел, а не на Дејтон. Да, точно е дека сега некои странци можат да ве водат, но кога ќе го започнеме процесот на скрининг, тогаш ќе можеме да провериме какви аномалии постојат во системот што ве спречуваат да напредувате по европскиот пат“, рече Марта Кос во интервју за бањалучки „Независни новини“.