13-годишно девојче од Кина минатата година без знаење на родителите потрошило околу 60.000 евра семејни заштеди на мобилни видео игри.
Гонг Јиванг дозна за потрошувачкиот тресок кон крајот на мај, откако наставник во училиштето на нејзината ќерка ја повика и изразила загриженост за потенцијалната зависност од видео игрите со микротрансакции, објави Elephant News, локален ТВ канал во провинцијата Хенан. Откако Гонг ја погледна нејзината сметка, сфати дека и останале само седум центи. Таа подоцна откри дека од јануари до мај, според изворот, нејзината ќерка потрошила околу 14.600 евра на сметки во играта и речиси 27.900 евра на микротрансакции.
Девојчето префрлало пари и на сметките на најмалку десет соученици кои сами ги потрошиле на микротрансакции, со што вкупните трошоци се искачиле на околу 60.000 евра.
Расплаканото девојче за Elephant News изјави дека ја поврзала дебитната картичка на нејзината мајка со мобилниот телефон, но не знаела од каде се парите и колку пари троши. Таа рече дека само се сетила на лозинката што и ја дала мајка и кога сакала да купи нешто друго претходно.
Кога другите студенти дознале дека таа троши многу пари, наводно почнале да бараат од неа да им ги пренесе. „Да не им испратев пари, ќе ме малтретираа цел ден. Да им кажев на наставниците, тие ќе им кажеа на моите родители и тогаш родителите ќе беа лути“, рече таа. Исто така, пишува изворот, таа избришала траги од трансакциите за да ги скрие од родителите.
После тоа, мајката контактирала со бројни платформи за да ги откаже трансакциите, но до денес не го вратила целиот износ, пишува Business Insider.
Оваа приказна стана многу популарна во Кина, особено на Веибо каде достигна 140 милиони прегледи. Зависноста од игри во Кина е толку голема што државата воведе ограничувања на Интернет за тинејџерите и децата, ограничувајќи го игрите на три часа неделно, цел за која велат дека се приближуваат.