Претседателот на Европскиот совет, Антонио Кошта, денес изјави дека „не е тешко да се предвиди“ каков заклучок ќе донесе дипломатската мисија на Европската Унија во својата истрага за тоа дали Израел го крши меѓународното право во Појасот Газа, што би можело да влијае на Договорот за соработка меѓу Брисел и Тел Авив.
„Ситуацијата во Газа е, секако, целосно неприфатлива. Дипломатската служба на ЕУ во моментов проценува дали Израел ги исполнува своите обврски според меѓународното право. Но, гледајќи телевизија и читајќи весници, не мислам дека е тешко да се предвиди каков заклучок ќе се донесе“, изјави Кошта за новинарите.
Европската служба за надворешни работи (ЕЕАС) е задолжена да го испита Договорот за соработка на ЕУ со Израел, кој го прогласува почитувањето на човековите права и демократските принципи за „суштински елемент“ што ја поткрепува соработката меѓу Брисел и Тел Авив.