Се што во моментов се зборува е надградба или дека ќе се направи работна група е во сите други аспекти, но не и во основната работа. Се обидуваме да ги ставиме главните нешта под тепих, вели бугарскиот европратеник Андреј Ковачев за „БНТ“, зборувајќи за посетата на бугарскиот премиер Кирил Петков на Македонија.
Според Ковачев, главната работа е што „розовиот слон во просторијата е дискриминација на граѓаните кои отворено ја декларираат својата етничка припадност и потекло, како и неподготвеноста за историско помирување засновано на објективно читање на историјата, како што е предвидено во Договорот од 2017 година“.
-Ова дефинитивно не е прашање само на историчарите, бидејќи е директно поврзано со дискриминацијата. Кога младите европски генерации кои живеат во сегашната Република Северна Македонија ќе добијат образование како што се нивните сегашни учебници, тоа доведува до омраза кон соседот.
Сите манипулирани и фалсификувани податоци кои се пренесуваат на помладите генерации водат до нашиот главен проблем – дискриминацијата на луѓето во моментов.
Во никој случај ова не е академски спор меѓу археолозите или професорите по историја кои дебатирале кој крал бил кој. Другата страна се обидува да им претстави на колегите и во ЕУ и во САД дека се работи за апстрактен академски спор, вели Ковачев во разговор за „БНР“.