Премиерот Димитар Ковачевски вечерва на фејсбук објави фотографии од вечерашниот состанок на како што напишал стратешкиот тим. Интересно е што на фотографиите е и екс премиерот Зоран Заев кој седи до Ковачевски. Еве што покрај фотогалеријата од состанокот напишал Ковачевски.
,,СДСМ има долгогодишно државничко и партиско искуство, посветеност и полна енергија да продолжи со победа и брз чекор по европскиот пат.
Денешниот координативен состанок на стратешкиот тим е во оваа насока – да направиме сè, да овозможиме целосен државен и национален консензус за исполнување на определбата на огромното мнозинство граѓани, да станеме полноправна европска држава до 2030г.
Европскиот пат и полноправното членство во ЕУ е највисок државен и национален, македонски приоритет. Ова е клучен момент, се работи за сегашноста, стабилноста и извесната иднина на сите наши граѓани, за иднината на денешните и идните генерации.
Граѓаните заслужуваат европски квалитет на живот и европски животен стандард, во европска држава, а тоа да биде нивната родна земја, нивната татковина’’, напиша Ковачевски.
Фотогалеријата најверојатно имаа и друга цел – да се елиминираат шпекулациите во јавноста дека Зоран Заев работи во интерес на Христијан Мицковски и бил близок со него и со ВМРО ДПМНЕ а во СДСМ Заев бил фракција која работи против сегашниот лидер Ковачевски.
