Пејачката Тина Тарнер почина вчера на 83-годишна возраст.
Според нејзиниот портпарол, таа починала по долго боледување во нејзиниот дом во близина на Цирих, Швајцарија, каде што го поминувала поголемиот дел од своето време.
Фановите и колегите се збогуваат со познатата пејачка, а сега тоа го направи и Бијонсе, на која Тина ѝ била еден од најголемите примери.
Бијонсе моментално е на својата турнеја „Renaissance“, а на нејзината официјална веб-страница беше објавена емотивна порака.
„Моја сакана кралице, те сакам бескрајно. Многу сум благодарна за твојата инспирација и за сите начини на кои го поплочи патот. Ти си сила и издржливост, ти си олицетворение на моќта и страста. Сите сме толку среќни што бевме сведоци на твојата добрина и прекрасен дух кој ќе живее вечно“, напиша Бијонсе.
Ова не е прв пат Бијонсе јавно да ѝ оддаде почит на починатата пејачка. Во 2005 година, таа рече дека две Тини ѝ го промениле животот, а тоа се нејзината мајка и Тина Тарнер.
Да потсетиме, Тина и Бијонсе заедно настапија на доделувањето на наградите „Греми“ во 2008 година, кога ја отпеаја песната „Proud Mary“.