Принцот Хари помина неколку дена во Лондон и остана во „Фрогмор Котиџ“, но и покрај кратката оддалеченост од неговиот татко, тој одби повторно да стапи во контакт.
Според добро информиран извор, кралот Чарлс е се повеќе фрустриран од врската со принцот Хари, чие однесување наводно го вознемирува и збунува.
Врската дополнително ја влоши фактот што 38-годишниот војвода од Сасекс во два наврати беше во Лондон за да сведочи пред судот, а не одвои време да воспостави контакт со семејството.
Работите да бидат уште полоши, Хари престојуваше во „Фрогмор Котиџ“ помалку од една милја оддалечено од неговото потесно семејство, но ниту една страна не покажа интерес да се обиде да ја поправи длабоко оштетената врска.
„Секогаш кога ќе го сретнам кралот, тој го спомнува Хари. Тој е сè уште тажен и збунет поради целата ситуација, но исто така расте и фрустрацијата поради неговото однесување додека продолжува затегнатата врска“, изјави инсајдер за „Тајмс“.
Меѓутоа, како што стојат работите, кралот Чарлс III нема да биде тој што активно ќе работи на спасување на врската со синот бидејќи речиси е сигурно дека нема да го покани на претстојната роденденска забава, што ќе ја залади врската уште повеќе.
Да потсетиме, принцот Хари остана неколку дена во Лондон за да сведочи на судењето во кое тој и уште стотина лица ја тужат медиумската компанија MGN за незаконско собирање информации од 1991 и 2011 година.