Honda објави дека официјално заврши производството на спортскиот модел NSX (кој се продаваше во Америка под марката Acura) и тоа во последното Type S издание.
Производството на NSX Type S се одвиваше во фабриката на Honda во Охајо и беше ограничено на само 350 примероци (од кои 300 беа за САД). Исто така, произведени се 70 примероци во ексклузивната Gotham Grey боја, која воедно е и последна копија.
За потсетување, NSX Type S се одликува со ревидиран преден браник со поголеми доводи за воздух, странични рабови од јаглеродни влакна, редизајниран заден браник со дифузер од јаглеродни влакна, заден спојлер од карбонски влакна, како и Gloss Berlina Black завршница за ретровизорите и рачки на вратите.
Пакетот вклучува и стандарден покрив од јаглеродни влакна, нови тркала во Matte Shark Grey или Gloss Berlina Black, гуми Pirelli P-Zero (245/35ZR19 напред и 305/30ZR20 назад), поширока трага на тркалата, модифицирана суспензија и систем за сопирање, рафинирана внатрешност (алкантара, лого од тип S, лого NSX на потпирачите за глава и контрастни шевови), побрз 9-брзински автоматски менувач DCT, реконструиран интегриран динамички систем со четири режими (тивка, спорт, спорт+, патека), како и поголема моќност во споредба со стандардниот модел.
Поточно, хибридниот погонски систем (3,5 литарски твин-турбо V6 со електромотори) има 447 kW/608 КС и 667 Nm, што е за 20 kW/27 КС и 22 Nm повеќе од стандардниот NSX.
Acura, исто така, тврди дека NSX Type S е две секунди побрз од обичниот NSX на патеката Suzuka.