Кремљ открива кога ќе се вакцинира Путин

Рускиот претседател Владимир Путин во блиска иднина ќе ја објави одлуката кога ќе биде вакциниран против коронавирус, изјави денеска портпаролот на Кремљ, Дмитриј Песков.

„Треба да очекуваме претседателот да ја објави одлуката во блиска иднина“, рече Песков во интервју за телевизијата „Русија 1“. „Тој рече дека ќе ја прими вакцината и дека ја донел таа одлука и дека чека да бидат решени сите формални прашања“, додаде Песков.

Руското Министерство за здравство претходно одобри употреба на вакцина против коронавирус „Спутник V“ за лица постари од 60 години.