Кремљ остро реагираше на изјавата на американски генерал дека може да го заземе Калининград

Русија ги смета неодамнешните коментари на висок американски генерал за наводната способност на НАТО брзо да ја заземе руската енклава на Балтикот, Калининград, за непријателски, порача денеска Дмитриј Песков, портпаролот на претседателот на Русија.

Генералот Кристофер Донахју, командант на американската војска за Европа и Африка, рече дека НАТО може да го заземе Калининград „од копно во неверојатен временски рок и побрзо отколку што досега сме биле во можност“, извести Дифенс Њуз.