Кремљ: Путин го посети штабот на воената група „Дњепар“ во регионот Херсон

Рускиот претседател Владимир Путин го посети штабот на армиската група „Дњепар“ во областа Херсон, на југот на Украина, соопшти денеска прес-службата на Кремљ, а пренесуваат руските агенции.

„Владимир Путин ги слушаше извештаите на командантот на Воено-десантните сили, генерал-полковник Михаил Теплински, командантот на воената група ‘Дњепар’, генерал-полковник Олег Макаревич и други воени команданти во штабот на армиската група ‘Дњепар’ во регионот Херсон“, пренесува „Интерфакс“.

„Не сакам да го оттргнам вашето внимание од директните должности поврзани со командата и контролата, така што ќе работиме на деловен начин, кратко, но конкретно“, рече Путин отворајќи ја средбата со командантите.