KLM ќе откаже 20 повратни летови до европските дестинации до крајот на август, додека „Луфтханза“ соопшти дека само оваа недела ќе откаже 770 летови.
Европските авиокомпании се соочуваат со невидени тесни грла, со долги редици патници кои чекаат да се пријават за летови кои се пробиваат низ аеродромите од лондонски Хитроу до Брисел и Дизелдорф во Германија. Прекините се предизвикани од спорови во синдикатот, недостиг на персонал и намалување на трошоците во услови на пандемијата на ковид-19, која сега се враќа како бумеранг во авиокомпаниите бидејќи луѓето со нетрпение очекуваат да патуваат во текот на летните месеци поради послабите мерки за спречување на ширењето на коронавирусот.
Ниските трошоци за енергија и недостигот на персонал го мачат и германскиот нискобуџетен превозник „Еуровингс“. Од компанијата во сопственост на германска „Луфтханза“ најавија дека ќе ги зголемат цените за најмалку десет отсто. Недостигот на персонал најпрво се појави во KLM и на аеродромот Шипхол во Амстердам.
Редиците на патници пред аеродромот се долги по стотина метри секој ден, поради што во иднина ќе бидат откажани најмалку 20 летови до европските дестинации, пренесува Bankar.me.