Фондацијата „Отворено општество“, непрофитна организација основана од милијардерот Џорџ Сорос, планира да отпушти најмалку 40 отсто од својот персонал во наредните месеци.
Добротворната организација, која ќе ја наследи синот на Џорџ, Алекс, во петокот соопшти дека нејзиниот одбор одобрил „значајни промени“ во нејзиното работење.
Ова вклучува „значително намалување на бројот на вработени, за најмалку 40 отсто на глобално ниво“, изјавил портпаролот на Фондацијата, пренесе Блумберг.
Сорос донираше повеќе од 32 милијарди долари на непрофитната организација, која имаше повеќе од 500 вработени до крајот на 2021 година и дава пари за хуманитарни и демократски цели, од реформи во кривичната правда до иницијативи за климатски промени.
Фондацијата на Сорос моментално го контролира имотот со кој управува неговата семејна канцеларија, а кои се проценуваат на 25 милијарди долари.
„Одборот има за цел да ги трансформира операциите низ глобалната мрежа, со цел да создаде попргава организација“, се вели во соопштението потпишано од помладиот Сорос и претседателот на непрофитната организација, Марк Малок-Браун.
„Додека Отворено општество работи на овие внатрешни промени, Одборот останува цврсто посветен на основните приоритети на Фондацијата – демократијата, човековите права, климатската правда и справувањето со нееднаквоста“, се вели во соопштението.