Состојки:
– 280 гр брашно
– 40 гр шеќер
– 1/2 лажичка сол
– 1 јајце
– 120 мл млеко
– 40 гр растопен путер
– 7 гр сув квасец
– 100 гр темно чоколадо
– 100 гр бело чоколадо
– сечкани бадеми, ореви, лешници по желба
Подготовка:
Во сад измешајте брашно, шеќер и сол.
Во друг сад додадете млако млеко, јајце, стопен путер и квасец. Добро измешајте и додадете ги во првиот сад со брашното. Се добро соединете.
Потоа додадете малку масло и месете го тестото околу пет минути, па оставете го да стаса час и половина до два часа.
После тоа, малку набрашнете ја површината и со сукало развлечете го тестото до дебелина на прст.
Користете поголема чаша за да го извадите тестото, а со помала чаша направете отвор во средината. Оставете ги крофните да отстојат 30 минути. Пржете на умерена температура.
Кога крофните се готови и малку ќе се изладат, прелијте ги со растопено, темно или бело чоколадо, па по желба посипете ги сечканите бадеми, ореви, лешници.