Претседателот на КСС Благоја Ралповски вели дека ќе останат на улица се додека државата не ги исполни нивните барања за усогласување на платите со минималната плата.
„Доколку утре до 12 часот не се случи нешто, нема ветување за реализација на нашите барања, секој ден од 16 до 17 часот ќе протестираме. Овие денови речиси незабележително се донесе нов Закон за административни службеници во кој има срамно покачување на платите од 100 до 200 денари. Дел од јавната администрација се претвори во социјална категорија, доведена е на прагот на преживување во услови на секојдневен раст на цените и растечка инфлација“, изјави Ралповски.
Независниот синдикат на одбраната дава потполна поддршка на протестите на своите братски синдикати при Конфедерацијата на слободни синдикати на Македонија и им изразува целосна солидарност.