Големото достигнување на нашиот договор со Северна Македонија е во изнаоѓањето на формулацијата „заедничка“, затоа што нашето заедничко минато, заедничката историја и заедничките корени ќе постават „многу цврста основа за нашата заедничка иднина“. Крајната цел е да бидеме заедно во Европската унија и ова е стратешки интерес на Бугарија, Северна Македонија и Европската унија.
Ова за БНР го изјави европратеникот Илхан Ќучук, кој е постојан известувач на Европскиот парламент за Република Северна Македонија.
Според него, постои изгубен интензитет во овој процес и дека тие се потпирале на „големиот момент на инерција што ни го даде претседателството“.
„Брисел се потпира на нашето современо однесување, конкретни активности во рамките на меѓународните формати. Не е работа Брисел детално да разбере што се случува меѓу нас, враќајќи се во различни фази од нашиот развој“, додаде тој.
„Комисиите од бугарска и македонска страна постигнаа многу. Историјата не е лесен разговор. Никој не ни вели да се откажеме од овој разговор, но мора да се продолжи во иднина“, додаде Илхан Ќучук.
Ако договорот од Преспа реши проблем со Република Грција и трајно го елиминира, со цел да покаже дека минатото и другото немаат ништо заедничко, тогаш бугарскиот договор со Република Северна Македонија започна процес за да се каже дека сè било заедничко, рече Ќучук.
До датумот на Берлинскиот процес – 10 ноември, нема време за кардинални одлуки, смета Илхан Ќучук. Според него, штета би било оваа можност да се испушти за време на силното германско претседателство.
„Сфаќам дека не е лесно. Ние мора да бидеме разумни. Ајде да сториме се што е можно… Властите да покажат поголема храброст“, истакна тој.
„Ние сакаме да дадеме силен сигнал, проевропски знак, дека Европската унија ја гледа Република Северна Македонија, го гледа регионот како составен дел од нејзиниот не само географски, туку и политички и економски развој. Земјите од Западен Балкан треба да бидат интегрирани во ЕУ што е можно поскоро“, додаде тој.
Европската комисија е посветена на Западен Балкан со огромно финансирање – или како грантови или како заеми, рече европратеникот, потсетувајќи дека износот што ЕК го издвои за време на кризата сега е 3,3 милијарди евра.
„ЕУ е свесна за најголемите проблеми со кои се соочува Западен Балкан, главно поврзани со демографската криза и одливот на мозоци и неможноста на младите и активните луѓе да останат на Западен Балкан“, рече Ќучук.